கார்த்திகை மழைக்கும்
மார்கழி பனிக்கும்
சிறந்து பிறந்தவளே....
பனி ஈரமாய் இருப்பது வரம்
உன்னோடு பாவ விமோசனமாய்
நானிருப்பது சாபம்......?!
முன்னிரவில் பயிர் செய்து
பின்னிரவில் அறுவடை செய்யும்
சிறந்த விவசாயி நீ.....
நீ மூலதனம் போட்டது
என் முன்னெற்றியில் இருந்துதான்...
இருண்டு கிடக்கும் இரவினில்
இடைவெளியில்லா பெருமூச்சு நான்
எனது பருவ பார்வைகள்
உன் சிறு வெளிச்சம் தேடியபடி.....
மானிடப் பிறவியின்
மகத்தான தத்துவமே
நீ என்னை வென்று கொன்று விடு
நான் போராடி தோற்றுக் கொள்கிறேன்....
இரவின் போரில்
யார் வென்றிட கூடும்.....
இருவரும் தான்....
ஏகாந்த சிக்கலில் சிக்கிய படி....
இளகி உயிர் கசிந்த படி....
அடப் போ
அடுத்த போர் வர ஆண்டு ஆகும்...
அதுவரை
நீயும் நானும்
எதிரிலுமில்லை...
எதிரியுமில்லை...
No comments:
Post a Comment